ethiox.com
ethiox.com
Donate!
web hosting service
SELECT command denied to user 'kcgvincw_fusion1'@'localhost' for table 'fusion_site_links'
Latest Links

  


  


  


  


  

Search

Enter Keywords:


አረንጓዴ ሰው
Poems

አረንጓዴ ሰው

ሕዝባችን ተስብሰብ-ለሰበሩ ዜና

ባለጸጋው ጻድቅ- መሆኑ ይሰማ

ይኸ ባለጸጋ- ይኸ ያገሬ ሰው

ይኸ ባለሆቴል- ይኸ ወርቅ አንጣሪው

የሥራ ዕድል ፈጥሮ- ልቤን አስደሰተው

ብሎ ጋዜጠኛው -ፅፎ አነበብኩና

ስለዚህ ባለሃብት- ሃሴት አረግሁና

እኔም የበኩሌን-ለገስኩት ምስጋና

አንደበት ይከፈት-ጆሮወች ያዳምጡ

ለዚህ ባላፀጋ- ሽልማቶች ይምጡ

በል እግዜሩም ስማ- ፅድቅ ተለውጧል

ከዛሬ መነኩሴ- ባላፀጋ በልጧል

ፀሃይ ትቁምለት- ትዘግይ ጨረቃ

ይኸ ባለፀጋ- እስኪል ድረስ በቃ

እስከሚበዛለት -ሃብቱ እስከሚስፋፋ

ሌሊቱም ቀን ይሁን -ብርሃን አይጥፋ።

ብዬ ምስጋናየን- ሳዥጎደጉደው

ይኸ የአጎቴ ልጅ-የተበሳጨው

ከእኔ የተለየ-ሚስጥር ያውቅ ኖሮ

እንዲህ ሲል ነገረኝ-ሃሳቡን ቀምሮ።

ለተራበ ማብላት-ለታረዘ ማልበስ

ታማሚ ማጽናናት-ለችግርም መድረስ

መጾም መፀለዩ-ቅንነት ማሰቡ

መች ሆኖ ተገኘ- የዛሬ ሰው ግቡ!

ከደሃ ቀምቶ- ከደካማ ዘርፎ

ቢሞላ ቢተርፍም- ከመጠንም ተርፎ

ወርቅና አልማዝ ይዞ- ነዳጅ አስቆፍሮ

ሆኖ መገኘት ነው-ካለመጠን ከብሮ

ሰውን ሰው ያሰኘው- የለየው ዘንድሮ።

    የስው ልጅ ሲፈጠር- በጌታዬ አምሳያ

    ነበረ ለታላቅ- ለክብር ማሳያ

    ዛሬ የስው ልጆች- ወረቀትን ፈጥረው

    ቁጥር ጽፈውበት- አንድ ሁለት ብለው

    አረንጓዴ ቀለም- ቅርጻ ቅርጹን ስለው

    ከራሳቸው በላይ- ለብር ክብር ሰጥተው

    መኖር ጀምረዋል-ከሱ በታች ሆነው።

መልኩን ሳፈላልግ- ጠይም ወይም ቀዩን

ቀረና የእርሱነት- መምሰል አምሳያውን

ንዋየ ፀሎቱ- ገንዘብ ሆኖ አምላኩ

አረንጓዴ ሆኗል- ባለጸጋው መልኩ።

አንተን መሳይ መንጋ- እናንት ኋላ ቀሮች

ጠይምና ጥቁር-ቀይ.. የምትሉ ሰወች

የሰው ልጅ ውበቱ- የሚያምር ቁመናው

አረንጓዴ ሆኗል- የእርሱ ሁለመናው።

    ገንዘቡ ዳኛ ነው- ፖሊስም ጠበቃ

    ሃይሉ ልክ የሌለው- ተቆጥሮ አያበቃ

    ፍትህና ክብር -ገዥ በገንዘቡ

    ይኸ ባለጸጋ- ባለ ወርቅ ቅቡ

    ሕጻን ሴት ያገባው- ሕፃን እቁባቱ

    የስው ሚስት የቀማው- አድርጎት መብቱ

    ሁሉ ሰው ጌታዬ- ብሎ የሚጠራው

    እርሱን የሚያደንቅ- ጋሸ ጋዜጠኛው።

ብሎ ተናገረ- ይኽ የአጎቴ ልጅ

ስለ አረንጓዴው ሰው- ለሁሉ እንደማይበጅ።

ትናንት ህጻን ሆኘ-ሳድግ በሰፈሬ

የሰው ልጅ መጠሪያው- ልዩ ነው ከዛሬ

አይደለ በልብሱ- በፀጋ በሃብቱ

አይደል በቁመናው- ተክለ-ሰውነቱ

አይደል በትምህርቱ- በዕውቀት ሊቅነቱ

ሰው በሰውነቱ- ሲለካ የማውቀው

ፍጹም ልዩ ነበር- ዛሬ ከምናየው።

አንገቱን ለፍትህ- አንደበቱ ለእውነት

ውሸትን የጠላ- ግፍን የሚጋፈጥ

ከክፎወች ሸንጎ- ፈጽሞ የራቀ

አንቱ የተባለ-በአገር የታወቀ

ነበር የስው መልኩ-ለእውነት መቆሙ

ትናንት የምናውቀው- የሰው ልጅ መልካሙ

ዛሬ ተለየና -ውበት ተቀይሮ

ዓይናችን የሚያየው- ብር ሆነ ዘንድሮ።

እስኪመለስ ድረስ -አይንም ወደ ድሮው

ስንናፍቅ ከዋልን- ገንዘብን እንደሰው

እውነትም ይዛባል-ፍትህ ይሰወራል

ገንዘብ የአገር ዳኛ- ጠበቃ ይሆናል


አንተ ጋዜጠኛ- አንተ ወሬ አቀባይ

እስኪ እንደ አጎቴ ልጅ-አንተም እውነቱን እይ

ያ ባለጸጋ ሰው- በዓለም የከበረ

እውነቱን አሰማን- ማን እንደነበረ?

ዳግማዊ ዳዊት

ጥቅምት 2002



posted on 0 Comments · 3528 Reads · Print
Comments
No Comments have been Posted.
Post Comment
Please Login to Post a Comment.
Ratings
Rating is available to Members only.

Please login or register to vote.

No Ratings have been Posted.
Special Links

Login
Username

Password



Not a member yet?
Click here to register.

Forgotten your password?
Request a new one here.
Latest Articles
Ethiopia(ጋ&#48...
Manipulating Aid
An Ethiopian Scholar...
Somali Investment in...
Message from Maakelawi
Search

Enter Keywords: