ethiox.com
ethiox.com
Donate!
web hosting service
SELECT command denied to user 'kcgvincw_fusion1'@'localhost' for table 'fusion_site_links'
Latest Links

  


  


  


  


  

Search

Enter Keywords:


ሳላገባት ፈታኝ
Poems

ሳላገባት ፈታኝ

    ጅሉ ማንነቴ- ጉድ አድርጎኝ ሄዶ

    ልቤ ይጨነቃል-የጠላኝን ወዶ።

      የትውልድ አሻራ- ሰፊው ስድስት ኪሎ

      ምነዋ ጠበብከኝ-ሲጨንቀኝ ዘንድሮ?

    ልቤ ተስፋ አይቆርጡ-አላስቀምጥ ቢለኝ

    ካለችበት ልሄድ-ወሰንኩ ተነሳሁኝ

      ምሽት አንድ ሰዓት-ከክፍሌ ወጥቸ

      ማየት ፈለግሁና-ካለችብት ሄጀ

      ጫማየን ተጫማሁ-ተበጠረ ጠጉሬ

      ምን አለ ቢቀናኝ- ብትለመን ፍቅሬ።

      .

      ከመኝታ ክፍሌ-በጥድፊያ ወጥቸ

      የሴቶችን ህንፃ-አሻግሬ አይቸ

      ድንገት ቆማ ባያት-ብዬ በማሰቤ

      በግ ተራን ፈተሽኩት- ሁሉንም ቀርቤ።

    ራስ መኮንንን- አዳራሹን ሳልፈው

    ያዩኝ ያክል ሆኖ-የሙት መንፈሳቸው

    አስታውሶኝ መጸለይ-አንዴ ቆም አልኩና

    ጀመርኩኝ ጸሎቴን-አምላኬን ልመና

    ፈጣሪ እንዲሰማ ውስጧን እንዲያዘጋጅ

    እኔና እርሷነቷ- ሆነን የልብ ወዳጅ።

      ጸሎቴን ፈጽሜ- ብዬ ዓለምወዓለም

      አሜን አልኩኝና-ገባሁኝ አዘግም

      ወረድኩ ወደ በሩ-ታጠፍኩ ወደ ግራ

      ልቤ እሷን ፍለጋ-አይኔ ተሰማራ

      ኬነዲ በሩ ላይ-ከነሳራ ጋራ

      አየኋት ቅድስቴን-ቆማ ስታወራ።

    ፈራ ተባ እያልኩኝ- ወደዚያው አምርቸ

    ሰላምታ አቀረብኩኝ- እጆቸን ዘርግቸ

    ሣራ ሰላም ብላ- እጇን ስትሰደልኝ

    ጨበጥኩት ቀኝ እጇን-ጠጋ ስትልልኝ

    እጀን መለስኩና-ስፈልግ ቀኝ እጇን

    ቅድስት ሃይ ሳትለኝ-አዞረችው ፊቷን።

      ብቻችን ሆነን-እኔና ቅድስቴ

      እንድንነጋገር- ሆነና ምኞቴ

      ይቅርታ ጠየኳት- ሣራ እንድትለየን

      ለእኔና ለቅድስት-እድል እንድትሰጠን።

    ሰላም አልኳት ውዴን- መልሷን ባገኝ ብየ

    አይኖቿን በዓይኖቸ- ለምኘ አባብየ።

    ተቀልዷል አለች- ጉንጮቿ እየቀሉ

    ምን ነካው ብላ ነው-ፍቅሯን ያላመሉ።

      ምንድን ነው ችግሩ- ብየ ብጠይቃት

      ለካስ የእኔው ጉድ ነው- እርሷን ያበሳጫት

      ዘመኑ ሆነና-የቡድን ጨዋታ

      ከሌሎች ሴቶች ጋር- መቃለዴን አይታ

      የሚወዳት ዓይኔ- ሌላ ሴት አየና

      የግል ጣፋጭ ፍቅሯ- የቡድን ሆነና

      ጣዕሙን ማጣቷ ነው- ያበሳጫት ለካ

      የእኔም ማንነቴ- በቡድን ተለካ፡

    እውነተኛ ፍቅር- አብሮ የሚያረጀው

    በግል ነው እንጅ- መቸ በቡድን ነው

    ብላ ስትቆጣኝ- አይኖቿ እንባ ቋጥረው

    እለምናት ገባሁ- ጥፋቴን አይቸው።

      ቅድስት የእኔ እመቤት -የልቤ ፀሃይ

      ባክሽ ተለመኝ- መጨነቄን እይ

      ልክ እንደ ድሯችን- እንደ ዓምና ታቻምና

      አንድ እንሁን ውዴ-ደግመን እንደገና።

    እጇን አወናጭፋ-በድርጊቴም አዝና

    ትናገር ቀጠለች-ደግማ በጥሞና

      እኔን በእኔነቴ- ቅድስት በመሆኔ

      ብታከብር ብትወደኝ-ደስ ባለኝ እኔ

      ከሌላው ተምረህ- የአንተ ያልሆነውን

      ምን ብለህ ሞከርከው-ማፍቀሩን በቡድን

      ፍቅሬ የግሌ ነው -የግል መብቴ

      ከዚያ ነው እሚጀመር-የእኔ ማንነቴ

      ይህን ስለረገጥህ- መቧደንን ወደህ

      በቃኸኝ ከእንግዲህ- በል እኔም ልቅርብህ።

    ብላ ተለየችኝ- ጨክና ቅድስቴ

    አስከፍቷት ኖሮ-አዲሱ እኔነቴ

    ኬነዲ በር ላይ-ባለሁበት ጥላኝ

    ቅድስቴ ተጓዘች- ሳላገባት ፈታኝ፡፡

መታሳቢያነቱ፣ በ-HIV/AIDS ህይወታቸውን ላጡ እልባት ያላገኙት የቡድንና የግለሰብ መብቶች መልክ ይዘው ትርጉም ያለው ጉዞ በአገራችን እንዲጀመር ደከመኝ ሰለቸኝ ሳይሉ ለሚታገሉ ሁሉ ይሁንልኝ።


ዳግማዊ ዳዊት

መስከረም 2002 ዓ.ም.

Ethio_dagmawi@yahoo.com



posted on 0 Comments · 3417 Reads · Print
Comments
No Comments have been Posted.
Post Comment
Please Login to Post a Comment.
Ratings
Rating is available to Members only.

Please login or register to vote.

No Ratings have been Posted.
Special Links

Login
Username

Password



Not a member yet?
Click here to register.

Forgotten your password?
Request a new one here.
Latest Articles
Ethiopia(ጋ&#48...
Manipulating Aid
An Ethiopian Scholar...
Somali Investment in...
Message from Maakelawi
Search

Enter Keywords: